🔴 सर्व धर्मांत आणि धर्मग्रंथांत मावनतेचाच संदेश : महेंद्रशेठ घरत.

November 26, 2025

दिनांक : २६ नोव्हेंबर २०२५.

पनवेल / प्रतिनिधी.

"भारतात हिंदू, मुस्लिम, ख्रिश्चन, शीख, बौद्ध, जैन अशा अनेक धर्मांचे लोक राहतात. तसेच अनेक धर्म, पंथ आहेत. महाभारत, रामायण, भगवत गीता, वेद, उपनिषद, पुराण, बायबल, कुराण असे अनेक धर्मग्रंथ आहेत; परंतु सर्व धर्मांत आणि धर्मग्रंथांनी मावनता हाच संदेश दिलेला आहे," असे आंतरराष्ट्रीय कामगार नेते आणि कॉंग्रेसचे रायगड जिल्हाध्यक्ष महेंद्रशेठ घरत ख्रिस्ती समाजाच्या एकता मेळाव्यात बोलताना म्हणाले. ख्रिस्ती समाजाचा एकता मेळावा शेलघर येथील जोमा नारायण घरत सभागृहात रविवारी झाला.

"ख्रिस्ती मिशनरी पूर्वी आमच्या गावोगावी पुस्तके वाटत असत, मला वाचनाची आवड असल्याने मी ती वाचायचो. पुढे कालांतराने कामगार आणि राजकीय क्षेत्रात यश मिळाल्यावर प्रत्येक धर्माचा मी आदरच केला कॉंग्रेस हा सर्वधर्म समभाव मानणारा पक्ष आहे आणि त्या पक्षाचा मी रायगड जिल्हाध्यक्ष म्हणून काम करतोय. आयुष्यातील ३८ वर्षे मी लोकांच्या सेवेत आहे, पण कधीही जातपात मानली नाही. आज आंतरराष्ट्रीय पातळीवर कामगारांचे नेतृत्व करीत असताना सतत परदेशात जाणे होते. तेथे गुरुद्वार असो वा चर्च असो, मी आवर्जून जातो. पाश्चात्यकालीन बांधकाम पाहून मनस्वी आनंद होतो. अतिशय खडतर समजली जाणारी कैलास मानसरोवर यात्रा मी दोनदा केली. त्यामुळे मी 'कैलाशी' आहे. मी कुठेही गेलो तरी माणसातच देव पाहतो, म्हणूनच मला परमेश्वराने भरभरून दिलेय. त्याचे आभार मानावे तेव्हढे थोडेच आहेत. म्हणूनच 'सुखकर्ता' बंगल्यावरून मी देण्याची भूमिका घेतली आहे. ख्रिस्ती समाज हा विनयशील आहे. त्यामुळे यापुढेही ख्रिस्ती समाजाचा आदर करून त्यांना कालानुरूप सहकार्य केले जाईल.

यावेळी प्रदेश कॉंग्रेसचे सरचिटणीस मिलिंद पाडगावकर आणि पनवेल कृषी उत्पन्न बाजार समितीचे माजी सभापती राजेंद्र पाटील होते. त्यांनीही आपले मनोगत व्यक्त केले. ख्रिस्ती समाजाच्या एकता मेळाव्यासाठी महेंद्रशेठ घरत यांनी सभागृह विनामूल्य उपलब्ध करून दिल्याबद्दल ख्रिस्ती समाजाच्या वतीने त्यांचा यथोचित सन्मान करण्यात आला आणि त्यांच्या उज्ज्वल भविष्यासाठी प्रार्थना करण्यात आली.

यावेळी डॉक्टर विकास कांबळे यांनी उत्तम प्रवचन केले. बबन कांबळे, विकी कुलकर्णी, धनंजय नाईक, सुंदर राव, राजू दुधभाते, जेसन माथू, आनंद मतमारी, मोहन गटणे, प्रकाश मसिह अँटोनी माथू

आणि समस्त उलवे ख्रिस्ती समाज यावेळी उपस्थित होता.

युथ महाराष्ट्र न्यूज

🔴 सर्व धर्मांत आणि धर्मग्रंथांत मावनतेचाच संदेश : महेंद्रशेठ घरत.

Comments

Post a Comment

Popular posts from this blog

🟠 माझा कार्यकर्ता चारचाकीत ऐटीत फिरला पाहिजे : महेंद्रशेठ घरत.

रिक्शा-टॅक्सी चालकांच्या समस्या सोडवण्यासाठी भाजप पुरस्कृत संघटनेची आरटीओ अधिकाऱ्यांसोबत बैठक.

जिल्हाध्यक्ष महेंद्रशेठ घरत कैलाश मानसरोवर यात्रेसाठी पुन्हाएकदा रवाना.