🔴 जिल्हाधिकारी कार्यालयात संविधान दिन उत्साहात साजरा.

November 26, 2025

🔴 भारतीय संविधानाच्या उद्देशिकेचे झाले सामूहिक वाचन.

यूथ महाराष्ट्र

ठाणे / प्रतिनिधी

दिनांक : २६ नोव्हेंबर २०२५.

(जिमाका) - येथील जिल्हाधिकारी कार्यालयात आज, दि.२६ नोव्हेंबर, २०२५ रोजी संविधान दिन उत्साहात साजरा करण्यात आला. जिल्हाधिकारी कार्यालयाच्या पहिल्या मजल्यावरील समिती सभागृहात डॉ. बाबासाहेब आंबेडकर यांच्या प्रतिमेस जिल्हाधिकारी डॉ.श्रीकृष्ण पांचाळ व इतर उपस्थित अधिकाऱ्यांनी पुष्पहार अर्पण करून भारतीय संविधानाच्या उद्देशिकेचे सामूहिक वाचन केले.

यानिमित्त निवासी उपजिल्हाधिकारी डॉ.संदीप माने यांनी संविधान दिनाचे महत्त्व, भारतीय संविधानाची वैशिष्ट्ये आणि लोकशाही बळकट करण्यासाठी प्रत्येक नागरिकाची भूमिका याबाबत मार्गदर्शन करून संविधानातील मूल्ये आचरणात आणण्याविषयी त्याचबरोबर आपापल्या कार्यक्षेत्रात पारदर्शकता व जबाबदारी बाळगण्याचे आवाहन केले.

यावेळी अपर जिल्हाधिकारी हरिश्चंद्र पाटील, उपजिल्हाधिकारी (सामान्य प्रशासन) रूपाली भालके, उपजिल्हा निवडणूक अधिकारी वैशाली माने, उपजिल्हाधिकारी (रोहयो) शशिकांत गायकवाड, उपजिल्हाधिकारी (भूसंपादन) वरूणकुमार सहारे, जिल्हा खनिकर्म अधिकारी विवेक घुले, तहसिलदार सचिन चौधर, संदीप थोरात, अमोल कदम, नायब तहसिलदार किशोर जाधव, तसेच जिल्हाधिकारी कार्यालयातील इतर अधिकारी-कर्मचारी उपस्थित होते.

युथ महाराष्ट्र न्यूज

🔴 जिल्हाधिकारी कार्यालयात संविधान दिन उत्साहात साजरा.

Comments

Post a Comment

Popular posts from this blog

🟠 माझा कार्यकर्ता चारचाकीत ऐटीत फिरला पाहिजे : महेंद्रशेठ घरत.

रिक्शा-टॅक्सी चालकांच्या समस्या सोडवण्यासाठी भाजप पुरस्कृत संघटनेची आरटीओ अधिकाऱ्यांसोबत बैठक.

जिल्हाध्यक्ष महेंद्रशेठ घरत कैलाश मानसरोवर यात्रेसाठी पुन्हाएकदा रवाना.